სიახლეები
„112“-ს კერძო სკოლების „პრომეთესა“ და „XXI საუკუნის“ 100-მდე მოსწავლე ეწვია
2018-03-30 09:44:56
„112“-ს კერძო სკოლების „პრომეთესა“ და „XXI საუკუნის“ 100-მდე მოსწავლე ეწვია

მიმდინარე წლის მარტის თვეში, „112“-ს, პროექტის - „მოზარდებში გადაუდებელი დახმარების ნომრის ცნობადობის გაზრდის“ ფარგლებში, კერძო სკოლების „პრომეთესა“ და „XXI საუკუნის“ 100-მდე მოსწავლე ეწვია.

ვიზიტის ფარგლებში, მოსწავლეები გადაუდებელი დახმარების ოპერატიული მართვის ცენტრისა და ოპერატორების მუშაობის სპეციფიკას გაეცნენ. მოზარდებმა, ასევე, დეტალური ინფორმაცია მიიღეს გადაუდებელი დახმარების ნომრის - 112-ის შესახებ, რომლის მიზანია მოქალაქეთათვის გადაუდებელი შემთხვევების დროს დახმარების აღმოჩენა მთელი ქვეყნის მასშტაბით, 24 საათის განმავლობაში.

ცენტრის წარმომადგენლებმა მოსწავლეებს განუმარტეს, თუ როგორ და რა დროს უნდა დარეკონ 112-ზე და რომელი გადაუდებელი სამსახურის ბრიგადის გამოძახებაა შესაძლებელი 112-ზე დარეკვით.