სიახლეები
112-მა დონორთა საკოორდინაციო კონფერენციაში მონაწილეობა მიიღო
2018-10-19 11:03:31
112-მა დონორთა საკოორდინაციო კონფერენციაში მონაწილეობა მიიღო

შინაგან საქმეთა სამინისტროს გადაუდებელი დახმარების ოპერატიული მართვის ცენტრი „112“-ის წარმომადგენლებმა სამოქალაქო უსაფრთხოების სისტემების დონორთა საკოორდინაციო კონფერენციაში მონაწილეობა მიიღეს.

კონფერენციის მთავარი მიზანი იყო დონორი ორგანიზაციებისთვის სამოქალაქო უსაფრთხოების სამსახურების საჭიროებების გაცნობა.

ღონისძიების ფარგლებში, „112“-მა პრეზენტაცია წარმოადგინა მიმდინარე და სამომავლო პროექტებისა და იმ საჭიროებების შესახებ, რომლებიც სარგებლობას მოუტანს თითოეულ მოქალაქეს.

კონფერენცია საგანგებო სიტუაციების მართვის სამსახურისა და USAID-ის მხარდაჭერით განხორციელდა. ღონისძიებას ესწრებოდნენ საქართველოში აკრედიტებული დიპლომატიური კორპუსის, საერთაშორისო და არასამთავრობო ორგანიზაციების წარმომადგენლები.