2019 წელს, საქართველოს შინაგან საქმეთა სამინისტროს სისტემური განახლების ფარგლებში, საერთაშორისო პრაქტიკის გათვალისწინებით, მაქსიმალური კოორდინაციისა და ინციდენტებზე ოპერატიული რეაგირების გაუმჯობესების მიზნით, სსიპ „112“ და ერთობლივი ოპერაციების ცენტრი გაერთიანდა და შეიქმნა საზოგადოებრივი უსაფრთხოების მართვის ცენტრი 112.

შინაგან საქმეთა სამინისტროს სსიპ – საზოგადოებრივი უსაფრთხოების მართვის ცენტრი „112″ ახორციელებს როგორც გადაუდებელი შემთხვევების ოპერატიულ და ეფექტიან მართვას, ასევე უზრუნველყოფს 24-საათიანი უწყვეტი ვიდეომეთვალყურეობის განხორციელებას ქვეყნის მთელ ტერიტორიაზე დანაშაულის ჩადენის, დანაშაულის მცდელობის ფაქტის, სამართალდარღვევის დაფიქსირებისა და საგზაო უსაფრთხოების განმტკიცების მიზნით.

ცენტრის ძირითადი მიმართულებებია:

• დანაშაულის წინააღმდეგ ბრძოლის გაუმჯობესება
• საგზაო უსაფრთხოების ეფექტური მართვა
• ოჯახში ძალადობის წინააღმდეგ ეფექტური ბრძოლა
• საზოგადოებრივი უსაფრთხოების ინტეგრირებული მართვის სისტემის შექმნა
• კრიზისული სიტუაციების ეფექტური პრევენცია / მართვა
• მონაცემთა ეფექტური დამუშავება / ანალიზი
• კერძო დაცვითი საქმიანობის კონტროლი

საზოგადოებრივი უსაფრთხოების მართვის ცენტრი „112“ განთავსებულია ორ ლოკაციაზე – თბილისსა და ქ. რუსთავში. ქ. რუსთავის ცენტრი 2016 წელს გაიხსნა. მეორე ცენტრის დაარსების მიზანს თბილისის ცენტრის განტვირთვა და გადაზღვევა წარმოადგენს.

 
112-მა, როგორც ხარისხზე ორიენტირებულმა ორგანიზაციამ, წარმატებით დანერგა საერთაშორისო ISO სტანდარტები