შსს სსიპ საზოგადოებრივი უსაფრთხოების მართვის ცენტრი 112 აცხადებს ვაკანსიას ანალიტიკოსის პოზიციაზე

ორგანიზაცია: შსს სსიპ – საზოგადოებრივი უსაფრთხოების მართვის ცენტრი ,,112“ – ის ადმინისტრაციის (სამმართველო) ანალიზისა და პროექტების მართვის სამსახური

პოზიციის დასახელება: ანალიტიკოსი

ორგანიზაციის შესახებ:
საზოგადოებრივი უსაფრთხოების მართვის ცენტრი „112“-ის ამოცანებია:

– გადაუდებელი დახმარების ოპერატიული და ეფექტიანი მართვის მიზნით საგანგებო სიტუაციებსა და საქართველოს კანონმდებლობით განსაზღვრულ სხვა შემთხვევებში ერთიანი სატელეფონო ნომრის − „112“-ის საშუალებით შეტყობინებების მიღება;

– უფლებამოსილ სუბიექტებთან ერთად საგანგებო სიტუაციებისა და გადაუდებელი დახმარების გაწევის აუცილებლობის სხვა შემთხვევების
ოპერატიული და ეფექტიანი მართვა და ამ მიზნით აღნიშნულ სუბიექტებთან კოორდინირებული საქმიანობის უზრუნველყოფა;

– ვიდეოანალიტიკური პროგრამების გამოყენებით 24-საათიანი უწყვეტი ვიდეომეთვალყურეობის განხორციელება ქვეყნის მთელ ტერიტორიაზე დანაშაულის ჩადენის, დანაშაულის მცდელობის ფაქტისა და სამართალდარღვევის დაფიქსირებისა და შესაბამისი რეაგირების მიზნით;

– საქართველოს კანონმდებლობით გათვალისწინებულ შემთხვევაში და წესით ელექტრონული ზედამხედველობის უზრუნველყოფა;

– საქართველოს კანონმდებლობით დადგენილი წესით კერძო დაცვითი საქმიანობის ლიცენზიის გაცემა და მისი კონტროლი.

განცხადების ბოლო ვადა: 15.10.2021

თანამდებობრივი სარგო: 1660 ლარი

ადგილების რაოდენობა: 1

ფუნქცია- მოვალეობები:

• არსებული მონაცემთა ბაზებიდან (SQL) ინფორმაციის ამოღება, სხვადასხვა ტიპის რეპორტების შექმნის მიზნით;
• მონაცემთა ანალიზი, პრობლემების იდენტიფიკაცია და ცვლილების
  ინიცირება;
• ბიზნეს პროცესების ანალიზი და მოდელირება;
• ბიზნეს/ტექნიკური ამოცანის სწორად ჩამოყალიბება და შემდგომ შედეგების ტესტირება;
• არსებული და ახალი ბიზნეს-პროცესების ანალიტიკური მხარდაჭერა;
• ანალიტიკის მოდელების გაუმჯობესებაზე მუდმივი ზრუნვა.

საკვალიფიკაციო მოთხოვნები:

• უმაღლესი განათლება;
• SQL მონაცემთა ბაზების სტრუქტურისა და ძირითადი პროცესების
  საფუძვლიანი ცოდნა;
• აუცილებელია ბიზნეს-ანალიტიკის და SQL მონაცემთა ბაზებთან მუშაობის მინიმუმ ერთწლიანი გამოცდილება;
• MS Office-ის პროგრამების (Microsoft Excel, Word, PowerPoint) მაღალ დონეზე ცოდნა;
• ინგლისური ენის ცოდნა.

უნარები:

• მაღალი პასუხისმგებლობის გრძნობა;

• ორგანიზებულობა და დეტალებზე ორიენტირებულობა;

• დროის ეფექტურად მართვის უნარი;

• ანალიტიკური აზროვნების უნარი;

• ინფორმაციის მოძიებისა და კვლევის უნარი;

• ერთდროულად სხვადასხვა ამოცანაზე მუშაობის უნარი;

• პრიორიტეტების სწორად განსაზღვრის უნარი;
  
• გუნდური მუშაობის უნარი;

შსს სსიპ – საზოგადოებრივი უსაფრთხოების მართვის ცენტრი „112“-ში დასაქმების შემთხვევაში გთავაზობთ:

• პროფესიული ზრდისა და შეფასების სისტემის საფუძველზე კარიერული განვითარების საშუალებას;

• თანამედროვე და კომფორტულ სამუშაო გარემოს;

• შშმ პირებისთვის ადაპტირებულ სამუშაო გარემოს;

• ჯანმრთელობის დაზღვევას;

• კორპორატიული ტელეფონის ნომერს;

• ტრანსპორტით უზრუნველყოფას.

დამატებითი ინფორმაცია ორგანიზაციის შესახებ შეგიძლიათ იხილოთ ოფიციალურ ვებგვერდზე www.112.gov.ge

დაინტერესების შემთხვევაში, გთხოვთ წარმოადგინოთ თქვენი CV შემდეგ
ელექტრონულ მისამართზე: hr@112.ge